LEIÐANDI BÓKHALDARI TIL ANSNI SAMTAKIÐ

Vit sóknast eftir royndum, nærløgdum bókhaldara til ANSNI Samtakið, sum í dag umfatar 5 feløg. 

Talan er um alt vanligt bókhaldsarbeiði, herundir lønarbókhald og regluligar roknskaparfrágreiðingar. 

Skipanir, ið vit nýta, eru Navision, LøttLøn og MínRokning. 

Arbeiðsstaður er Hoyvíksvegur 61, Tórshavn.

Løn sambært avtalu. 

Í bókhaldi okkara starvast, umframt leysa starvið, 2 bókhaldarar.

Upplýsingar um starvið kunnu fáast við at venda sær til Aimi Justinussen, Fyrisitingarleiðara, tel. 231287. Umsóknir, við prógvum og møguligum viðmælum, verða at senda til aimi@ansni.fo, og skulu vera okkum í hendi í seinasta lagi fríggjadagin 6. apríl á middegi. Starvið verður sett skjótast til ber.

---

Hjá ANSNI eru arbeiðsuppgávurnar sera fjølbroyttar. Arbeiðsøkini eru innan okkara fýra kjarnuøki: Vakt, Tøkni, Tilbúgving og Flutningshjálp. 

Álítandi og dugnalig starvsfólk eru okkara týdningarmesta tilfeingi.

Vit leggja somuleiðis dent á, at okkara starvsfólk eru fyrikomandi, tænastusinnað, løtt at samstarva við og lætt kunnu tillaga seg nýggjar og ymiskar arbeiðsuppgávur. Tað er ein treyt, at okkara starvsfólk hava reina revsiváttan. Koyrikort er somuleiðis ein treyt, um tú ynskir at starvast sum trygdarvørður.

Í løtuni starvast á leið 50 fólk í felagnum. Í høvuðsheitum eru hesi starvsøki, og røkja fleiri av starvsfólkum okkara uppgávur tvørtur um hesi øki:

- Vaktarfólk
- Call-Sentur fólk
- Flutningsbilførarar
- Tilbúgving (lærarar innan fyrstuhjálp, trygdarskeið v.m.)
- Tøkningar 
- Skrivstovufólk

Ver vælkomin at senda umsókn um arbeiði til ansni@ansni.fo